Agimi i lumnueshëm

"Kënduesve! Me nji anë për me i shërbye historisë e letërsisë sonë dhe me anë tjetër për me përmbushë pjesërisht detyrën e naltë qi më ngarkon Atdheu, u përpoqa me nxjerrë në dritë edhe këtë dramë të titullueme “Agimi i lumnueshëm”, e cila me gjith qi mund të ketë të meta në pikpamjen dramatike, kam shpresë se do të pëlqehet, tue u marrë parasysh qëllimi, i cili më shtyni me u rrekë nji kohë të gjatë për nji vepër të tillë. Shtojmë edhe se drama e jonë asht e bazueme në ngjarjet e vërteta qi kanë ngja në kohën e fundit, më 1921, e nuk përmban nji fantazi të thatë vetëm për me kënaqë kënduesit me nji histori qi nuk i përgjigjet së vërtetës"