“Portrete” i Xhafer Martinit është një libër që na kujton se pas çdo emri ka një jetë, një shpirt, një histori që meriton të tregojë veten. Nga figurat botërore si Linkolni, Tolstoi, Balzaku e deri te shokët, nxënësit, mësuesit dhe njerëzit e zakonshëm, Martini i sjell në këtë libër si një galeri portretesh të gjalla, të ndërtuara me fjalë.
Nuk ka rend kronologjik apo hierarki; portretet rrjedhin njëri pas tjetrit si në një rrëfim jete, me teknika të ndryshme: kujtime, reflektime, elegji, prozë poetike. Në thelb, ai nuk shkruan për të famshmit – por për njerëzit që kanë lënë gjurmë në të.
Vepra është edhe një akt rezistence ndaj harresës, një mënyrë për të ruajtur kujtesën dhe nderimin. Në këtë libër do të gjeni portretet për: Abraham Linkoln, Honore De Balzak, Leon Tolstoi, Frederik Niçe, Xhek London, Arshi Pipa, Bajram Mata, Qemal Çadri, Islam Çenga, Rufat Spata, Hysen Repa, Franz Shubert, Portret qyteti, Esenini, Mefaili, Nin Rajta, Ndoc Gjetja.
